Кітапхана

М.Өтебаев атындағы ЖЖТК-нің құрылымдық бөлімдерінің бірі кітапха,  ол оқу процессін  ақпараттық-кітаптық қамтамасыз етеді.

Кітапхана қазіргі таңда жан-жақты білім мен тәрбие берер мәдени орындардың бірі, жас ұрпақтың білімін кеңейтіп,біліктілігін арттыратын рухани қазына болып табылады. Кітапхана оқырман үшін үлкен тәрбие мектебі, сансыз сұрақтардың жауабын табуға болатын сиқырлы да киелі орда. Кітап – уақыт пен кеңістіктің тынысына толы адамзат ойының жемісі, қоғамның мәдени күштерін дамытудың қуатты құралы, қайнар бұлағы.Кітапхана қоры әр алуан. Ол ғылыми, оқулық, анықтамалық әдебиет, СD-ROM-дағы оқулық басылымдар, ақпараттық және мерзімді басылымдар.  

Кітапхананың жұмыс істеу кестесі:
Дүйсенбі-Жұма сағат 9:00-ден, 18:00-ге дейін.
Сенбі – 9:00-ден, 13:00-ге дейін.

Кітапхана міндеті:

Оқырмандарға сапалы да жылдам қызмет көрсету колледж кітапханашыларының басты міндеті. Кітаптарға техникалық өңдеу жүргізу, қорды реттеп ұйымдастыру, оқырмандардың қажеттіктеріне сәйкес құжаттар қорын түзіп, дәстүрлі және қазіргі ақпарат көздерінде мемлекеттік және басқа тілдерде сақтау.
Оқырманға абонементте, оқу залында, электронды оқу залында қызмет көрсетуді ұйымдастырады.. Электронды оқу құралдары 350-дана. Оқу-әдістемелік құралдар, әдебиеттер, анықтамалық – библиографиялық құралдар, энциклопедиялар, сөздіктер, әртүрлі басылымдар, көркем әдебиеттер, мерзімді басылымдардың үлкен көлемі.
Кітаптарды насихаттау жұмысы түрлі жолмен жүргізіледі. Колледж кітапханашылары жаңа түскен студенттерге «Кітапхана ережесі», «Кітапханаға саяхат»т.б тақырыптарға әңгіме өткізеді. Мысалы: Оқырман конференциясы, әдеби-сазды кештер, кездесу кеші, көрмелер, жаңа кітаптарға шолулар және басқа да іс-шаралар.

Абонемент

Абонемент оқырмандарды кітапханадан тыс жерлерде пайдалану үшін оқулықтармен, оқу-әдістемелік әдебиеттермен және ғылыми әдебиеттермен қамтамасыз етеді.
Кітапхана абонементінің атқаратын қызмет бағыттары:
– оқырмандарды тіркеу және қайта тіркеу үрдісін ұйымдастыру;
– оқытушыларға, студенттерге және колледж қызметкерлеріне тиімді, оңтайлы, жедел және сапалы қызмет көрсетуді ұйымдастыру;
– қорды қосымша толықтыру және оқырман сұранысын толық қанағаттандыру мақсатында кітаппен қамтамасыз етілуін және оқылуын талдау;
– қанағаттандырылмаған сұраныспен және қарыз оқырмандармен жұмыс;
– оқырманға ақпарат таңдауда консультациялық көмек көрсету.

Оқу залы

Колледж студенттерінің білім алу барысында жан-жақты дайындалуына мүмкіндік береді. Оқу залдарының кітап қорында барлық сала бойынша әдебиеттер мен мерзімді басылымдар жинақталған.
Оқу залының атқаратын қызмет бағыттары:
– пайдаланушыларға жеке және топтық кітапханалық-ақпараттық қызмет көрсету;
– ақпараттық ізденіс бойынша кеңестер беру;
– оқу залынан берілген құжаттарға бақылау жасау;
– анықтамалық-ақпараттық тапсырыстарды орындау;
– ашық көрмелік іс-шараларын өткізу.
Оқу залында оқытушылар мен оқушылар басылымдардың жаңалықтарымен танысып, реферат дайындап, кітапханашылардан кеңес алып отырады.

Мерзімді басылымдар

Кітапхана газет пен журналдардың оннан астам түріне жазылады, соның ішінде мемлекеттік тілде басылымдар: «Уақыт», «Қазақстан тарихы әдістемелік журнал», «Қазақ тілі мектепте, колледжде және ЖОО-да оқыту», «Егемен Қазақстан», «Ақиқат», «Сынып жетешісі», «Валеология салауатты өмір салты», «Өзін-өзі тану» және т.б.; педагогикалық басылымдар: «Образование», «Среднее профессиональное образование», және т.б.; қоғамдық-саяси басылымдар: «Южный Казахстан»,  «Экспресс К», «Юридическая газета», «Оңтүстік Қазақстан»,«Шымкент келбеті» және т.б.

Электрондық оқу залы

Оқытушылар мен студенттерге жүйелі түрде ақпараттық-библиографиялық қызмет көрсетеді. Электрондық оқу залы 6 компьютер, кітап сканері, интерактивті тақтамен, ксерокспен жабдықталған. Электронды оқу басылымдарымен кітапхананың қоры толықтырылып отыр. Электрондық оқу залының мақсаты кітапхана қызметінде жаңа технологияларды пайдалана отырып, оқырмандарға жоғары деңгейде қызмет көрсету. Бұл электрондық ақпаратпен жұмыс істеу, интернет ресурстарын жүйелеу, түрлі электрондық қызметтер көрсету және бөлімнің электрондық түрдегі қорын байыту. Электрондық оқу залында кітапхана оқырмандары электронды сөздіктерді, оқулықтарды, энциклопедияларды, CD-ROM-дар мен DVD-да бар ақпараттарды пайдалануларына болады.
Сіздерге әрқашанда жаңа технологиялармен жұмыс істеуге кітапханашылар көмектерін көрсетуге дайын. Біз оқырмандарға уақыт талабына сай қызмет көрсетуге тырысамыз және де сіздердің лебіздеріңізді әрқашанда ықыласымызға аламыз!